SSEAYP 42

Rindu eyy kan pakai baju ani... #A1. terasa sangat elegen bila pakai baju ani.. The Most eyy. hahhaha. i miss my BPYs fellas. bila cakap pasal kapal belia ani, kan belayar saja rasaku. hahha. Bila berada di negeri orang, kena berdikari sendiri, nya urang brunei "Bekarih tah kamu sendiri sana atu". Nda pun "Sendiri th kau bekayuh". How i wish i am a millionaire. Belayar kemana2 pun petik jari saja, nah sudah masuk kapal trabang. acecehhh. hahhahhaha. Tapi nda jua pedah kalau kaya tapi nada kebahagiaan. apa eyy over kediaku ani. hahha. Apapun pengalaman di Kapal Nipponmaru (atu bah nampak kamu nama Kapal yang ada disana atu??, di blakang kami a) memang ngetop. The most awesome experience ever. Jadi PY (participant Youth)  ani memang impian ku dari dulu plang. I mean back in 2011 masa ku ikut  Program Belia Cinta Tanah Air (PBCTA). Masa tu si Puteri Norizah tu bakas kapal belia 2010. Nah bagitau nya ku macam2 pasal kapal ani. nah kuat tia semangaat ku kan ikut. Apalagi time kaka Ku ikut kapal ani. Lagi tia berkobar-kobar semangat kan ikut. 

Lapas ku college, kraja skajap, nah kana makbulkan tia wish ku kan jadi salah seorang pegawai di JBS, Ani sama jua Wishlist ku jua ni. Alhamdulillah Ya Allah because Grant all my wishes (nahh cakap omputih tia lagi a). kan staun ku kraja sini, kana suruh ku apply Program ani, Mula2 atu memang lah berat hati kan apply. Tapi berkat sokongan dari teman sekerja dan dari Kakaku sendiri, Ikut tah ku jua. Apalagi Big Boss ku bakas kapal belia tia jua. Sudah ikut Program ani, memang nada penyesalan di situ. Awal2 memang meletihkan, tapi letih atu di ganti dengan kegembiraan yang berlipat ganda. nah makin panjang cerita ku pagi ani.. hhahahhaha. atu saja kali dulu.Insya Allah, ada masa aku update lagi. Adios...